13. Rosine

Im Club hämmer nomol – än grosszügige Ma
Als Pensionär – muäs er no vorigs Sackgeld ha
Er verschenkt jetzt au no Bienähonig
Warum er das macht – das weiss ich nonig
Innärä Gartäwirtschaft tuät er äs Iklemmts bstelä
Do händ ä paar anderi - grad au no eis welä

Dä Flohmibeizer – hät Bschtelig ufgno
Und isch fascht ä Stund lang – eifach nömä cho
Einä - isch go luägä – isch öppis passiärt
Häts ächt dä Ma - i dä Chuchi umgschmiert
Nei – dä hät sich bsunders ufgrafft
Bringt – sicher 30 Brötli – i Gartäwirtschaft

Usgseh – häts schön – äs isch ihm würkli glungä
Jedä vo üs – hät drü viär settigi verschlungä
Dä Beizer rüeft – müänd aber ali essä – susch weräts alt
Diä Brötli und sTrinkä – hät scholang einä zalt

Dä Sepp isch a däm Tag mit dä Seniorä cho
Und hät drum das Ganzi – grad überno
Sepp – du bisch uf dä Welt - dä heiligschti Ma
Dä Namä „Papscht“ cha natürli nöd jedä ha

Jo – und um dä Beizer – hebet kei Sorgä
Dä – han ich persöndlich - gradno als Passivmitglied gworbä